شوبير يكشف تطورات محمود الخطيب الصحية: ما قام به إهمال وقالنا مش شايف كويس ولكن



كشف الإعلامي أحمد شوبير عن تفاصيل تعرض محمود الخطيب رئيس مجلس إدارة النادي الأهلي لوعكة صحية مفاجئة نقل على اثرها إلى احدى المستشفيات فجر اليوم الخميس.

وقال شوبير صباح الخميس عبر برنامجه "مع شوبير" في الراديو "الخطيب شعر بآلام في عينه اليمين، الآلام دي عنده من زمن من يوم ماتش الترجي التونسي في بطولة افريقيا".

وتابع "الي عرفته انه كان  في احتفالية كشف الحساب كان عنده مشكلة في عينه وواقف اكتر من ساعتين بيتكلم في المؤتمر، وبعدها بيومين موجود في احتفال حسن حمدي وحسن مصطفى وحتى هو قالنا في الحفل انه مش شايف كويس بس اخدنا الموضوع بهزار".

وأضاف "رحت المستشفى وقابلت الخطيب والدكتور شرحلي الحالة، الخطيب بيتفانى في عشق وحب وخدمة النادي الأهلي، دي رسالة للبعض انهم بيشككوا في الراجل".

وواصل "انا من اقرب الناس للكابتن الخطيب، في الحقيقة الدكتور قعد يعرفني قد ايه هو تحامل على نفسه، النهاردة بيجري اشعات وتحاليل على عينه اليمين، نأمل من الله ان الدنيا تبقى كويسة، لكن الحالة العامة للجسد سواء قلب او ضغط وكدة كويسة الحمد لله".

وأردف شوبير في تصريحاته "اكتشفت كمان انه كان المفروض في طبيب بيتابع معاه في باريس، وان الرحلة الي اتهاجم فيها انه سافر السعودية فيها كان المفروض يطلع منها على باريس لكن فضل انه يكون موجود في افتتاح كأس العالم للأندية لكرة اليد علشان يمثل الأهلي هناك وانه يرجع للقاهرة يكمل الالتزامات الي وراه للنادي الأهلي".

مضيفًا "الي عمله ده نوع من انواع الإهمال، لكن ان شاء الله الفحوصات تظهر نتيجتها النهاردة وتطلع الأمور بسيطة اذن الله، الدكتور قال الوضع العام بس مستنين نتائج الاشعات والتحاليل وجايبين دكاترة متخصصة علشان نتطمن أكتر".

استطلاع الراى


هل يحقق الأهلي لقب دوري أبطال أفريقيا؟
الدوري العام - 2021/2022

الفيديوهات الأكثر مشاهدة خلال شهر