شوبير تعليقًا على خطاب الفيفا: عارفين أغنية محمد عبد المطلب؟



علق الإعلامي أحمد شوبير على خطاب الاتحاد الدولي لكرة القدم "فيفا" برفض التعديلات المقترحة من جانب الجمعية العمومية على لائحة اتحاد الكرة.

وقال شوبير عبر برنامجه صباح اليوم الإثنين "المفروض لو انت في الاتحاد الدولي وجنسيتك مصري ولا موريتاني حتى، انك تشتغل لمصلحة بلدك مش مصلحتك الشخصية او اشخاص معينين".

وتابع "في اغنية حلوة لعبد المطلب "ودع هواك وانساه وانساني.. عمر الي راح ما هيرجع تاني"، وانا بقولكم مش هيرجع تاني .. خدوها مني ده ودي حاجة مبدئية".

وأضاف "ايه سر التمسك الشديد بالكرسي بالطريقة الغريبة دي، الخطاب ده عمل نوع من انواع الدهشة عند ناس كتير، مجلس النواب عنده 27 طلب احاطة، ما بين الفساد الموجود ومجاملات وغيره".

وواصل شوبير "مش فاهم كمية المخالفات دي ومش متخيلها، الموضوع مش هيقف عند هذا الحد، مينفعش وعيب عليك تخضني كل شوية بفزاعة الاتحاد الدولي وبعدين ترجع تختفي تاني الفزاعة دي".

استطلاع الراى


هل يحقق الأهلي لقب دوري أبطال أفريقيا؟
الدوري العام - 2021/2022

الفيديوهات الأكثر مشاهدة خلال شهر