وليد سليمان: إعلامي زملكاوي أكدلي تعمد اتهامي بالعنف بسبب طارق حامد وثنائي الأهلي



علق وليد سليمان لاعب النادي الأهلي على اتهامه بالعنف ضد منافسي الأندية الأخرى خلال استضافته في حوار عبر قناة دي إم سي.

وقال وليد سليمان في تصريحات تلفزيونية أمس الأحد"مكنتش عاوز اتكلم في الموضوع ده خالص، لو اتكلمت هقول اسماء ناس قالت الكلام كدة ولما تواصلت معاهم قالوا ان هم بيعملوا كدة علشان جمهور الأهلي بيتهم طارق حامد بالعنف".

وتابع "طارق حامد صاحبي وانسان كويس، مش بتاعتي اني اقول مين أعنف، لما جمهور وإعلام الأهلي بدأ يتهم طارق بالعنف بدأ يتقال اسمي واني عنيف".

وأضاف "انا حصلي كسر في ضلعي من محمد كوفي مدافع الزمالك وقعدت مصاب 3 أشهر ومتكلمتش، السبب في الحملة دي واحد وكلمني قالي انا عارف انك زعلان بس احنا بنعمل كدة علشان جمهور الأهلي وعدلي القيعي وابراهيم المنيسي بيقول ان طارق حامد عنيف".

وواصل وليد "واقعة عبد الشافي، رحتله المستشفى وكان المفروض انا اعتذرله لكن هو الي قالي معلش هي جت فيك انت وتقدروا تسألوه، الي بيحلل كورة يشوف اللقطة هيعرف اننا داخلين في بعض مش شايفين بعض وداخلين على الكرة".

وأردف "انا مش هذكر اسم الشخص الي كلمني، لكن ده الحوار الي دار وعلشان كدة انا مش زعلان، لما حد يطلع يغلط فيا أنا مش هكلمه، لو طلعت ارد على حد ممكن يتأذي في شغله".

واختتم الحاوي تصريحاته "والله ما بيكون في عنف مني في الملعب، الموضوع ممكن يكون حماس زيادة، انا كنت بلعب في بتروجت وانبي ومحصلتش إصابات مني في حد، انا اسلوبي اتغير في الأهلي، ده حماس زيادة مع شحن الجماهير بيخلي اللاعب عاوز ياكل النجيلة لكن مش بنزل اقول انا هأذي حد، المؤذي في الكورة مش هيكمل مجال".

استطلاع الراى


هل يحقق الأهلي لقب دوري أبطال أفريقيا؟
دوري أبطال أفريقيا - 2021/2022

الفيديوهات الأكثر مشاهدة خلال شهر