تحدث خالد الغندور لاعب الزمالك الأسبق والإعلامي الحالي بقناة الأبيض، عن كواليس أزمات محمود عبد الرحيم "جنش" حارس الفريق الأول السابق والمعار الى نادي فيوتشر.
وكان جنش قد أدلى بتصريحات تلفزيونية لقناة أون تايم سبورتس يكشف فيها عن حزنه الشديد من موقف الأبيض الأخير معه ورحيله المفاجئ لنادي فيوتشر.
وقال الغندور عبر مقطع فيديو على قناته الرسمية على اليوتيوب: "المنتخب كلم جنش، وقالوله انت هتبقي معانا أيمن طاهر بالذات وحسام البدري".
وتابع الغندور: "فجيه ماتش سيراميكا لعب أبو جيل فجنش اتجنن ازاي ملعبش النهاردة وكان فاضل أربع ماتشات وجنش عاوز يبقي موجود كان المفروض يحافظ على الاستقرار".
وواصل: "دخل الاوضة جنش في وجود مترجم مستر كارتيرون أتكلم بلهجة فيها صوت عالي جداً بيتكلم بصوت عالي فالراجل قاله انا المسئول عن الفرقة كارتيرون شايف ان قرارات جنش في ماتشات زي الإسماعيلي والاتحاد كان فيها أخطاء".
وأضاف: "رغم انها مأستفرتش عن أهداف فقرر الاعتماد علي أبو جبل قدام جنش وسيراميكا وعشان كدة جنش معجبوش الكلام دة وابتدي يزعق".
وأكمل: "وفي الوقت دة وصل جنش لمرحلة من الهيجان والعصبية لدرجة انه مسك الكرسي في أوضة الفندق ورماه في الحيطة وكسره وتلفظ الفاظ خارجة ضد كارتيرون بصورة كبيرة جداً شتايم شتايم جامدة واحمد شعبان المترجم مترجمش لكراتيرون لكنه كان فاهم ان جنش بشتمه بألفاظ خارجة".