انتقد الإعلامي أحمد شوبير قرار الجهاز الفني لمنتخب مصر بضم مصطفى محمد لاعب نادي جالطة سراي التركي في القائمة النهائية لمنتخب مصر لمباراتي ليبيا في التصفيات المؤهلة لكأس العالم.
وقال شوبير عبر برنامجه مساء الجمعة "علشان اكون واضح وصريح، ضم مصطفى محمد بالنسبالي بيمثل علامة استفهام كبيرة جدًا".
وتابع "ما حدث من قبل مع الجهاز السابق بقيادة حسام البدري من الممكن ان يتكرر مع الجهاز الحالي، الحقيقة كان نفسي يكون في عقوبة ولو مباراة واحدة".
وأضاف "هتقولي مصطفى ممكن يكسبنا ماتش ليبيا، هقولك مفيش لاعب واحد بيكسب، دايما بعترض مثلا ان جول حسام حسن الي وصلنا كأس عالم، لا مجهود هاني رمزي وربيع ياسين وشوبير وغيرهم ربنا كلل ده بهدف حسام".
وواصل شوبير "مفيش لاعب لوحده بيكسب، في هداف اها ومفيش خلاف ان مصطفى هداف، لكن خلافي على السلوك وقلت الكلام ده من أول يوم".
وأختتم أحمد شوبير تصريحاته قائلًا "الي بيحصل في غيرك هيحصل فيك، معنديش خلاف غير مع ضم مصطفى في هذا التوقيت".