تحدث محمود علاء نجم دفاع نادي الزمالك عن أكثر مباراة حزن عليها خلال حديثه مع الإعلامي سيف زاهر عبر فضائية أون تايم سبورتس.
وجاء نص الحوار بين سيف زاهر ومحمود علاء على النحو التالي:
سيف زاهر: أكتر مباراة مزعلاك لحد دلوقتي وندمان عليها؟
محمود علاء: ندمان عليها؟ لأ مش فاكر
سيف: أكيد مباراة واحدة بس أهم مباراة للزمالك ايه؟ نهائي أفريقيا أمام الأهلي؟
محمود علاء: خسارة نهائي أفريقيا آه
سيف زاهر: حسيت ان المباراة في الملعب؟ حسيت ان البطولة في الزمالك؟
محمود علاء: لو بصيت للسيناريو بتاع الماتش ما يوحيش خالص انك تخسر الماتش من بداية الماتش، الأهلي جاب فينا جون واحنا مسيطرين ومضيعين وبعد كده كرة تيجي في العارضة وبعد كده ضربة جزاء لأشرف بن شرقي والأمور تمشي عكس الإتجاه وبعدين جون في النهاية، الجون لو بدري شوية كنا نقدر نرجع للماتش.