يرى أحمد بلال المحلل بقناة الأهلي أن لاعبي الأهلي كان عليهم خطأ في عدم إجبار الحكم إبراهيم نور الدين على مراجعة الهدف الغير محتسب للأهلي أمام طلائع الجيش.

أوضح بلال في تصريحات عبر قناة الأهلي: "لعيبة الأهلي غلطانة، لما بتحصل أي حاجة في الملعب بتلاقي الناس كلها سابت الكرة واتخانقت مع الحكم، لعيبتنا طيبة، كرة زي دي اللاعيبة اللي شافت الكرة طبيعي أنهم يقفوا مع الحكم".

وأشار بلال: "كان لازم اللعيبة من الطبيعي يجروا على الحكم، الحكم هيعدي، الفار يتحمل المسئولية لكن كان على اللعيبة أن تعترض على الحكم إبراهيم نور الدين، الدوري المصري ماشي بالسيستم ده، كان لازم يكون فيه أسلوب قوي للإعتراض تجبر الحكم أنه يراجع الحالة".

وتابع بلال تصريحاته: "ازاي اللاعيبة ما تتخانقش مع الحكم، لينا جون، حتى لو خدت انذار، مش مهم، هيجري إبراهيم نور الدين على الفار للمراجعة".

واختتم أحمد بلال تصريحاته: "اللي هيجنني اللاعيبة بتاعتنا، اللاعيبة شايفة الكرة عدت امسك في زمارة الحكم، وطبيعي اجري عليه".

وفشل الأهلي في تحقيق الفوز على طلائع الجيش وانتهى اللقاء بالتعادل السلبي ورفض الحكم إبراهيم نور الدين هدف صحيح للأهلي في الشوط الأول.

الـ VAR ونور الدين يقرران «دون مراجعة دقيقة» عدم احتساب هدف للأهلي أمام طلائع الجيش