هاجم محمد عبد الواحد مدرب فريق وادي دجلة الحكم إبراهيم نور الدين عقب هزيمة فريقه أمام الأهلي بنتيجة 2/1 في المباراة المؤجلة من الجولة 22.وأوضح عبد الواحد في تصريحات لإذاعة الشباب والرياضة: " مابقولش الحكم ظلمنا النهارده، كابتن إبراهيم نور الدين لما تتكلم مع جهاز فني محترم لازم تتكلم بإحترام، اللهجة ما تغيرهاش من الأهلي والزمالك وأي نادي آخر، بيتعامل مع لاعيبة الأهلي والجهاز الفني للأهلي كأنهم من كوكب ووادي دجلة من كوكب آخر".وأضاف عبد الواحد: "زعيقه للاعيبة دجلة وهتاخدوا انذار، كارت الأرهاب اللي بتعمله عشان تاخد اللقطة عشان الكاميرات تيجي عليه، انت مش آله في التحكيم، انت حكم زي باقي الحكام، لما تتعامل مع جهاز وادي دجلة تتعامل بإحترام كان بيزعق احنا مش شغالين عنده".وتابع مدرب دجلة: "بنشوف أجهزة بتسب وتعمل وانت بتديلهم ضهرك ، باكلمك لازم يكون فيه إحترام متبادل، حزين، كانت الناحية التانية كان فيه زعيق والتوجيه ناحيتنا برضه، كأننا شغالين عنده، وكابتن سيد كان بيتكلم بس متكلمش معاه".وحقق الأهلي الفوز على حساب دجلة ورفع رصيده إلى 61 نقطة محتلا المركز الأول متساويا مع الزمالك بنفس الرصيد.