تحدث بيتسو موسيماني المدير الفني للأهلي عقب فوز فريقه على الإنتاج الحربي في الدقائق الأخيرة من المواجهة التي أقيمت على ملعب الأهلي وي السلام في المباراة المؤجلة من الجولة 24.
وقال موسيماني خلال المؤتمر الصحفي: "مباراة كلها مشاعر وده درس لأن مفيش حاجة مؤكدة في كرة القدم ومحدش يعرف ممكن يحصل فيها اية في اشياء كتيرة عرفتها النهاردة واتاكدت منها النهاردة واتعلمت ان المباراة ما بتنتهيش غير مع صفارة الحكم"
"اللي شفته على أرض الملعب لازم نبقي مؤمن انك تقدر نعمل حاجة ، ممكن الناس تتكلم لكن الاهم الاداء كان عامل ازاي في اخر الماتش كنا خسرانين 2/1 ورجعنا في النتيجة، والاسبوع اللي فات مكنش حد فاكر ماتش المقاولون، وماتش النهاردة اكدلي حاجة اننا فريق من المحاربين الشجعان وفي الظروف الصعبة بنقدم كل حاجة".
ويواجه الأهلي فريق أسوان في مباراته المقبلة الخميس 29 يوليو في ستاد بتروسبورت في اللقاء المؤجل من الجولة 17.
ثم يستضيف دجلة الأهلي يوم الإثنين 2 أغسطس في تمام الساعة 9.00 بتوقيت القاهرة، وبعد ذلك يواجه الأهلي سيراميكا كليوباترا يوم الخميس 5 أغسطس في تمام الساعة 9.00.
ورفع الأهلي رصيده إلى النقطة 55 محتلا المركز الثاني بعد 25 مباراة في حين يحتل الزمالك المركز الأول برصيد 61 نقطة.