الدوري العام - 2020/2021

طارق سليمان عن أخطاء شريف إكرامي: مينفعش يبقى خفيف بالشكل ده.. شوفوا محمد الشناوي



علق طارق سليمان مدرب حراس مرمى النادي الأهلي السابق على أخطاء شريف اكرامي حارس مرمى نادي بيراميدز في الفترة الأخيرة.

وقال سليمان في تصريحات عبر برنامج الماتش أمس الأحد "مقدرش أقول ان الخطأ بيكون مشكلة في التدريب، الخطأ السهل بيكون قلة تركيز من الحارس في المباراة".

وأضاف "شريف إكرامي ارتكب أخطاء كتير مع بيراميدز ورا بعض من بداية الموسم وده بسبب انه بقاله سنتين مش بيشارك مع الأهلي، مستواه بدأ يتحسن في آخر 4 مباريات، لكن النهاردة تتفاجيء بخطأ سهل يرجعه خطوات لورا".

وتابع "في مباراة شباب بلوزداد بالكونفدرالية، شريف اكرامي اترقص في كورة من على الخط بشكل غريب، وكان في استعجال كبير منه".

وواصل طارق سليمان "شريف لازم يبقى اتقل من كدة ويبقى عنده ثبات أكتر من كدة، يبقى زي محمد الشناوي رجليه الإثنين ثابتين في الأرض وهادي جدا ومش خفيف، شريف استعجل جدا في النزول، الراجل كان لسة بيمرجح رجله قام شريف نازل على الأرض، ليه الاستعجال ده لازم ابقى اتقل من كدة مبقاش خفيف".

استطلاع الراى


افضل لاعب بفريق الأهلي ببطولة دوري أبطال أفريقيا
الدوري العام - 2020/2021

الفيديوهات الأكثر مشاهدة خلال شهر