أكد احمد سمير جناح نادي طلائع الجيش أنه يفضل الانتقال إلى صفوف النادي الأهلي عن صفوف الزمالك في حالة وجود عروض رسمية من جانب الناديين في وقت واحد.

وقال سمير في تصريحات عبر برنامج اللعيب "صفحتي مع الزمالك متقفلتش ومقدرش أقول انها اتقفلت، انا زملكاوي بس عندي اتزان شوية في تشجيعي للزمالك".

وتابع "لما الزمالك بيلاعب الأهلي ميولي بتكون للزمالك وعاوز الزمالك يكسب، دلوقتي مش بقوم واتعصب مع الهجمات، مباراة 3-3 في القمة كانت أكتر مباراة ضايقتني".

وأضاف لاعب الزمالك السابق "مش شرط اني علشان أقول للناس واعرفهم اني زملكاوي لازم أطلع أقول ده، اها قولت حلم من احلامي اني انضم للأهلي وقولت في نفس الوقت أي لاعب في مصر يتمنى الأهلي والزمالك".

وبسؤاله عن قراره في حالة وجود عرض من الأهلي والزمالك في وقت واحد، قال سمير "هو سؤال صعب، بس انا الوقت الي هختار فيه هختار المكان الي هحس فيه ان اسمي مش هيتطفي فيه".

وأضاف "انا شايف من وجهة نظري إني خضت تجربة مع الزمالك كانت كويسة وحققت فيها بطولات، لكن في الوقت الحالي لو في أهلي وزمالك هختار اللون الأحمر".