شوبير: سألت وقالولي رمضان صبحي وأحمد فتحي مالهمش مكان في الأهلي تاني



كشف الإعلامي أحمد شوبير عن كواليس حديثه مع أحد مسئولي النادي الأهلي للاستفسار حول موقف الثنائي رمضان صبحي وأحمد فتحي من العودة مرة أخرى للقلعة الحمراء.

وقال شوبير صباح اليوم الاثنين من خلال برنامجه الإذاعي مع شوبير "كان في شوية لغط وكلام كتير في الفترة الي فاتت وانا بحب اجيب المعلومات من بابها".

وتابع "رجعت للناس في النادي الأهلي عما تردد بإن رمضان صبحي أو أحمد فتحي ممكن يرجعوا للنادي مرة تانية، والناس قالوا احنا قفلنا الباب".

وواصل شوبير كلماته "الناس في الأهلي قالوا الباب اتقفل تمامًا وبنتمنى ليهم التوفيق في الفترة الجاية وبنقدرهم جدًا".

وأختتم "قالولي كمان ان في النهاية الثنائي اختار مصيرهم واحنا بنحترم اختيارهم جدًا، ولكن مالهمش مكان في الأهلي تاني الآن أو مستقبلًا، أيوة قالولي كدة، مالهمش مكان في الأهلي دلوقتي أو في المستقبل".

استطلاع الراى


افضل لاعب بفريق الأهلي ببطولة دوري أبطال أفريقيا
الدوري العام - 2020/2021

الفيديوهات الأكثر مشاهدة خلال شهر