أكد أسطورة مصر والأهلي محمد أبوتريكه بأنه لا يتدخل في أمور محمد صلاح ويرتبط بعلاقة شخصية معه "اتنين اخوات بيحبوا بعض".
وأضاف تريكه عبر استوديو بي ان سبورتس بأن يورجن كلوب لديه نظام في مشاركة اللاعبين ولكن محمد صلاح تعطل بعد إصابته بالكورونا وجلوسه على مقاعد البدلاء في مباراة كريستال بالاس ومع تصريحاته للصحافة الإسبانية والحديث عن ريال مدريد وبرشلونة الجميع ربط برحيله.
وقال تريكه: "تفكير النادي أنه يبيع صلاح آخر الموسمت صلاح عنده 28 سنة يبيعه في آخر الموسم يجيب أعلى رقم ومرتبه عالي وده تفكير النادي يمكن أكون مخطىء وصلاح ما اتكلمش فيه، عشان الناس متحورش ومتؤولش كلامي ده تحليلي الشخصي علاقتي بيه ليست في الملعب، علاقة شخصية أخوية اتنين اخوات بيحبوا بعض عمري ما أتدخل في أموره ده تحليلي الشخصي هو له تصرفاته الشخصية وهو أدرى".
وتابع تريكه: "أنا لو مكان صلاح بقالي 4 سنين في ليفربول حققت الدوري ودوري الأبطال وهداف الدوري وأحسن لاعب ونافست على أفضل لاعب، أبحث عن تجربة أخرى، مش تقليل من ليفربول، لكل لاعب له دورة حياة مع أي فريق، صلاح 28 سنة لازم يفكر في مغامرة أخرى لو هو حابب في نهاية الموسم".
واستطرد صلاح: "الطبيعي جدا لو جالك ريال مدريد وبرشلونة 99% من اللاعبين هتقول آه، انقل أرقام صلاح في أحد أندية برشلونة أو ريال مدريد ياخد الكرة الذهبية ولا لأ؟ ده تحليلي الشخصي أنا مش وصي عليه هو شخصي ذكر مش عيل صغير ده يدير بلد مخه ذكي".
واختتم تريكه تصريحاته بأنه تحدث مع محمد صلاح: "رغبتي وإحساسي بيه بيه كلمته واتصلت بيه، آه طبيعي زعلان عشان نبقى صرحاء آه زعلان واخد على خاطره بس ما يبينش ولا بيؤثر على مستواه".