خالد الغندور ينقلب على مرتضى منصور وأمير بعد ثلاثية طلائع الجيش على قناة الزمالك



انقلب خالد الغندور مقدم برنامج "زملكاوي" على سياسة إدارة الكرة في عهد مرتضى منصور وامير مرتضى بعد رحيلهما من النادي وعقب هزيمة الفريق من طلائع الجيش والخروج من بطولة كأس مصر.

وقال الغندور عبر قناة الزمالك: "مع احترامي للي ماسك المسئول عن التعاقدات سابقا هو حضرتك عندك رزاق سيسه وأحمد رفعت وبتبيع أحمد رفعت تعير رزاق للمرة الرابعة ورزاق أحسن من كاسونجو 100 مرة طيب انت مبترجعوش ليه طيب انت جبت واحد قوي".

وأضاف الغندور: "أحمد رفعت أحسن من ناس كتير بياخدوا ملايين موجودين في نادي الزمالك، الموسم انتهى خلوني أتكلم شوية، خمسة ستة لعيبة موجودين طول الموسم ما بيعملوش حاجة، اللي وزنه زايد، اللي كل شوية إصابات اللي مالوش دور مع الفرقة".

وتابع الغندور: " اللاعيبة اللي عندك معارة ليه واحد زي رزاق سيسيه ما يرجعش واحد زي أحمد رفعت ما يبقاش حل ما رجعتش دول ليه ما عندكش أماكن لأ عندك أماكن، عندك 6-7 لعيبة مالهمش دور في الفرقة صراحة يعني".

واختتم الغندور تصريحاته: "الزمالك مكانش فيه حظ وتوفيق معاه بس مع إحترامي لباتشيكو بس جنش بقاله فترة بعيد ليه ما تلعبش بأبوجبل"

ورحل عن إدارة الزمالك مرتضى منصور وتم تعيين مجلس مؤقت برئاسة أحمد بكري ورحل أيضا أمير مرتضى منصور عن الإشراف عن الكرة.

وودع الزمالك كأس مصر أمام طلائع الجيش بعد الهزيمة بنتيجة 3/1 في اللقاء الذي أقيم على ملعب برج العرب ويواجه الأهلي يوم السبت في نهائي البطولة.

استطلاع الراى


من هو مهاجم الأهلي الأساسي؟
الدوري العام - 2020/2021