وائل جمعة يتحدث عن تريكة كما لم تسمعه من قبل: أنا وهو معندناش فكرة.. يؤخذ عليه هذا الأمر وأعارضه فيه



تحدث وائل جمعة مدافع النادي الأهلي السابق عن زميله السابق في القلعة الحمراء ومنتخب مصر محمد أبو تريكة خارج المستطيل الأخضر.

ويتزامل الثنائي في الفترة الحالية في الاستديوهات التحليلية لقنوات بي إن سبورت، وخلال حوار إذاعي أجراه محمد سعدون الكواري مع جمعة، تحدث الصخرة بشكل مختلف لأول مرة عن أبو تريكة.

وسأل الكواري ضيفه وائل جمعة عن محمد أبو تريكة وأراءه الجريئة في بعض الأمور المثيرة للجدل خارج المستطيل الأخضر والتي تتسبب في هجوم البعض عليه "كل واحد حر في رأيه أكيد، محمد في بعض القضايا بيكون له رأي مخالف عني هو مسؤول عن تصرفاته".

وتابع "تريكة صريح بزيادة ووضوحه وصراحته دول بيسببوله مشاكل كتير، وبأخذ ده عليه وبتكلم معاه كتير في الموضوع ده، في العالم العربي مفيش احترام للرأي الآخر علشان كدة لازم يكون النجم أكثر دبلوماسية وفي بعض القضايا مينفعش تتدخل فيها".

وأضاف جمعة "في مواضيع معينة لو دخلت وقولت رأيك الناس هتبقى منتظرة صراحتك زي ما عودتها ورأيك الصريح وقتها هيسببلك مشكلة كبيرة بأخذ عليه هذا الامر وبعارضه فيه أحيانًا، لازم يكون دبلوماسي شوية، لكن ده رأيه وبحترمه فيه".

وواصل الصخرة "تريكة أمين وشخص كويس وملتزم، قضيت معه نصف عمري، هو من أنضف الشخصيات الي شوفتها في حياتي، عمره ما أتكلم وحش على حد أو أذى حد".

وتطرق الكواري للحديث عن تريكة وجمعة كمحللين فنيين للمباريات ويسأل ضيفه من هو الأفضل؟، ليرد جمعة ضاحكًا "احنا الاتنين معندناش فكرة".

وأردف وائل "احنا الاتنين بنتجهد في شغلنا وطبيعي اننا نتكلم في الكورة لأننا لعبناها وعارفينها كويس، حتى لو عندنا بعض الحاجات الي الناس بتنتقدنا فيها لكن بنجتهد وشغالين كويس علشان نأدي المطلوب مننا ونبقى أحسن وأحسن".

استطلاع الراى


أفضل لاعب بفريق الأهلي في الموسم؟
دوري أبطال أفريقيا - 2020