مرتضى منصور: عمرو الجنايني خدام ممدوح عباس ومحمد فضل كومبارس ويخبط دماغه في الحيط



هاجم مرتضى منصور رئيس نادي الزمالك الثنائي عمرو الجنايني ومحمد فضل أعضاء اللجنة الخماسية لإدارة اتحاد الكرة المصري.

ووجه رئيس نادي الزمالك هجومه الشديد المتجاوز من خلال منبر قناة ناديه الرسمية ضد أعضاء اللجنة الخماسية بعد ساعات قليلة من تتويج النادي الأهلي ببطولة الدوري المصري للمرة الـ 42 في تاريخه.

وقال مرتضى في تصريحات تلفزيونية لقناة نادي الزمالك "عاوز اسال الأفندي بتاع الألتراس الي اسمه حسام معرفش ايه بتاع لجنة المسابقات، حسام الزناتي أيوة، حسام ده ألتراس وبقولها أهو ألتراس، إزاي يبقى موجود في المكان ده؟ انا مش هتكلم علشان جده كان صاحبي".

وأضاف "انت ليه حاطط مسمار مباراة الكأس في وسط مباريات الدوري المصري وافريقيا، ما تخليه في الآخر بعد ما نخلص الدوري وافريقيا احنا والأهلي، انا مش هعمل كدة ومش هلعب ده، ده مالهوش علاقة بهيبة الدولة، اقف على دماغك انت ولجنتك".

وتابع "انا عاوز اسعد جماهير الزمالك وافوز ببطولة افريقيا زي ما فرحتهم ببطولات تانية، بتعملوا ليه فينا كدة؟ احنا مش شغالين عندك يا زناتي ومتخلنيش أقول كلام تاني".

ووجه مرتضى تصريحاته لعمرو الجنايني ومحمد فضل قائلًا "مينفعش الي بيحصل ده وتحطلي مسمار اسمه الكأس في نص المباريات، انت عاوز مني ايه يا عمرو يا جنايني؟ انت انكشفت خلاص، انت خدام ممدوح عباس الي عملك عضوية وعينك تاني يوم في مجلس الإدارة".

وأردف "وانت مين يا محمد يا فضل، انت بالنسبة للعيبة الأهلي والزمالك كومبارس، اعمل فيا 100 شكوى واخبط دماغك في الحيطة، انا رئيس نادي الزمالك الي بيتكلم، اعرف قدر النادي، عمرو الجنايني ده موظف في بنك وأنا محامي معروف في العالم العربي كله".

واختتم مرتضى منصور تصريحاته "شغل التنطيط الي بتعمله وكل شوية غرامة ده عليك انت مش عليا انا، انت مش بتعمل غير الفشل بس".

استطلاع الراى


أفضل لاعب بفريق الأهلي في الموسم؟
دوري أبطال أفريقيا - 2020