كشف نادر شوقي وكيل أعمال رمضان صبحي السابق عن أسباب انفصاله وانهاء علاقته باللاعب الذي قرر الانضمام لصفوف نادي بيراميدز بداية من الموسم المقبل.
وقال نادر في تصريحات تلفزيونية عبر أون تايم سبورت اليوم الاثنين "أي شركة ليها استراتيجية وكل واحد له طريقة شغله، رمضان صبحي مش محتاج حد علشان يوديه بيراميدز، لما هكون معاه هضيفله ايه؟".
وأضاف "هو مش محتاج وكيل أعمال اصلًا، الوكيل فايدته انه يشوفله عرض خارجي أو يحلله مشاكله ويدير أعماله، لكن بما انه قاعد في مصر وهينضم لبيراميدز هو مش محتاج مني حاجة".
وتابع نادر "لما كنت بدور على عروض لرمضان صبحي مكنش في دماغي بيراميدز او عروض محلية بشكل عام، لازم تبقى دي حاجة واضحة للجميع".
وأستكمل "انا مش هاجي على اللاعب او العميل بتاعي لحساب حد تاني، علشان الناس قالت اني كنت عاوز اوديه الأهلي بالغصب، انا كنت حاطط خطة واتنين وتلاتة، هو اختار الخطة رقم أربعة ودي مش تبعي ومش في حساباتي".
مختتمًا تصريحاته "يبقى خلاص كل واحد يختار طريقه واحنا الاتنين اتفقنا ان منكملش تعامل مع بعض".