سيف زاهر: اعتذر لجمهور الأهلي.. ما كنتش فاهم أن حسام عاشور باع ناديه بالفلوس تاريخك راح



فتح سيف زاهر النار على حسام عاشور لاعب الأهلي المعتزل بعد تصريحاته الأخيرة عبر قناة النهار وهجومه على إدارة الأهلي.

وأوضح سيف زاهر في تصريحات عبر برنامجه في إذاعة أون سبورت أف ام: "باوجه إعتذار شديد اللهجة لجمهور الأهلي العظيم، على أني قلت في يوم من الأيام أن حسام عاشور ليه تاريخ مع الأهلي وبشويش عليه، جمهور الأهلي كان فاهم وأنا ما كنتش فاهم ان لاعب يبيع ناديه ويبيع تاريخه بالفلوس، حسام عاشور باع ناديه وجمهوره بالفلوس وهو ما كنش عايز غير الفلوس".

وأضاف سيف زاهر: " عايز اديله نصيحه تاريخك راح ورصيدك راح تاريخك في الملاعب مبيتحسبش بالاهداف تاريخك بالانتماء والعطاء بيتحسب بالالتزام والاخلاقيات وحب الكيان مبيتحسبش بالفلوس".

وتابع سيف زاهر: "مجلس الاهلي عمل لعاشور اللي معملوش لحد في تاريخ الاهلي والكابتن الخطيب له كل التحية والشكر ومظلوم تماما في موضوع عاشور ده عماد متعب اللي قد عاشور 100 مره طلب من الاهلي ماتش اعتزال والكابتن الخطيب قاله نشارك لكن احنا مبننظمش ومتعب احترم القصة ومضى مع اعلام المصريين وكن كل الاحترام للأهلي وعمره ما اتكلم عالكيان ولا الكابتن الخطيب ولا غالي وناس كتيرة جدا جدا قد عاشور 100 مره وعارفين يعني ايه قيمة واسم الأهلي".

وأضاف زاهر: " كلام عاشور لا يؤثر ب"سم" في تاريخ الاهلي وتاريخ عاشور اللي اتمسح في الاهلي جمهور الاهلي على حق في موضوع عاشور ، انت بقالك سنه محطتش رجلك جوه المستطيل الاخضر وكنت عايز 20 مليون جنيه وتقعد سنتين متلعبش تانيين مقابل الفلوس كان لازم تحترم تاريخك ولو جايلك عروض العب في مكان تاني والحقيقة انك بقالك سنه محطتش رجلك في الملعب وكان لازم تحترم تاريخك ولو انت شايف انك تقدر روح أي نادي تاني وحقك لكن الحقيقة انك بقالك سنة مبطل كورة وعاوز الأهلي يكافئك بعشرين مليون جنيه".

وواصل زاهر هجومه على حسام عاشور مشيرا بأنك تبحث عن الأموال فقط ولا يهمك كيان هذه هي الحقيقة وجمهور الأهلي كان على حق "كان فيه 10% باقيين خلص عليهم تماما".

واختتم سيف زاهر حديثه بأن على حسام عاشور أن يظهر ويتحدث بالحقيقة وأنه ذهب لمحمود الخطيب وطالبه بالاستمرار لمجرد الحصول على 20 مليون جنيه وكل ما تتحدث تخسر الجمهور.

"اوعى تفتكر ان دي حملة علاقة تبادلية تحبني احبك تختار الفلوس وتبيعني أكرهك ودي نصيحتي الأخيرة فالتزم الصمت"

استطلاع الراى


ما التشكيل الأفضل للأهلي في المباريات المحلية في حال الفوز بالدوري؟
الدوري العام - 2019/2020