السولية يعلن التقدم ببلاغات ضد بعض الأشخاص «لحماية ابنته»



أعلن عمرو السولية لاعب وسط الفريق الأول لكرة القدم بالنادي الأهلي عن تقدمه ببلاغات ضد بعض الأشخاص لحماية ابنته التي لم تتجاوز الرابعة من عمرها.

ونشر السولية عبر حسابه الشخصي على موقع التواصل الاجتماعي "انستجرام" بعض الصور مع ابنته، ليقابلها بعض التعليقات التي أثارت غضبه، وقام بنشرها على حسابه.

وكتب بعدها لاعب وسط الأهلي عبر حساباته الشخصية على مواقع التواصل الاجتماعي "ليلى بنتي عندها 3 سنين ونص (لسة قالعة البامبرز من كام شهر) الكلام ده بيتقال على طفلة !!".

وأضاف "ايه اللي يخلي (بني ادم) خنزير ممكن يبص على لبس طفلة ويركز غير انه فعلا خنزير!! ايه المرض ده! دول اللي لما بيكبروا بيكونوا مغتصبين ومتحرشين واللي بنخاف على بناتنا واهلنا ينزلوا الشارع عشان ميتعرضوش لأذاهم".

وتابع "أتمنى الشيوخ اللي بيبرروا للتحرش ولبس البنات يكونوا مبسوطين دلوقتي وهما شايفين اللي بيحصل، قررت أتقدم ببلاغات لاصحاب الكومنتات دي علشان اللي زي دول مينفعش يكبروا وسطنا".

وأتم عمرو السولية "قررت احمي بناتي اللي لسة مشافوش الدنيا، وللأسف خايف عليهم يشوفوا كمية القرف والاشمئزاز ده".

استطلاع الراى


أفضل لاعب بفريق الأهلي في دوري أبطال أفريقيا