أدلى رئيس الزمالك بتصريحات تلفزيونية يرفض فيها إستئناف الدوري المحلي مرة أخرى طبقا لما أعلنه وزير الشباب والرياضة الدكتور أشرف صبحي الذي يقوم بتنفيذ توجيه رئاسة الوزراء في هذا الشأن.وقال: أحترم الوزير وأؤيده وأدعمه لأنه مؤدب ونضيف "هو ايه اللي حضرتك عملته ده يا معالي الوزير هو حضرتك متصور ان احنا خرفان ومعيز المسئولين عن الأندية حضرتك بتجرجرنا بحبل يمين يمين شمال شمال لا يا سيادة الوزير مع احترامي لسيادتك وللحكومة ورئيسها لكن رؤساء الاندية من ينتخبهم جمعيات عمومية محترمة هم من يديروا كرة القدم" ولو تدخلت فيها يصبح ذلك تدخل حكومي.وأضاف: "هو لما كان واحد بيموت في الاسبوع وقفتوا الدوري وحاليا 100 واحد عايز تشغل الدوري" "حضرتك عايز ترجع الدوري علشان النادي الأهلي أنا مشفتش كده بصراحة لا اطلع قول بصراحة ان احنا عايزين نرجع الدوري علشان الأهلي مخدش بطولة السنه دي" "احنا مش خرفان مع احترامي ليك انت احنا مش خرفان احنا ناس محترمة".واختتم: "احنا مش هنكمل الدوري حضرتك روح كمله انت وال4 اندية التانية" بالمنطق والعقل فليس لدينا لاعبونا الأجانب وهم في منتخبات كيف نأتي بهم وهذا أكبر خطأ منذ مجيئك للوزارة وإذا كنت ترغب في اهداء الدوري للأهلي فأمنحه له "مش هنضحي بالآلاف من البشر من لاعبين وحكام بسبب الأهلي والدوري" والخوف لا يصل لهذه الدرجة من نادي ولدينا اجتماعات مع اتحاد الكرة في الأيام القادمة كيف يتخذ القرار قبل اجتماعنا وأنا أقول أن الدوري لن يعود "شوف مين اللي هيروح يا معالي الوزير" "احنا مش خرفان ولا اللعيبة دي معيز" ونادي الزمالك لن يكمل الدوري.