أكد حسام عاشور قائد الفريق الأول لكرة القدم بالنادي الأهلي ان الأزمة التي حدثت خلال الأيام القليلة الماضية بسبب مباراة اعتزاله لم يكن سببها عدم انتظاره لـ 4 أو 5 ساعات.

وكان عاشور قد نشر فيديو عبر حسابه الشخصي على انستجرام كشف خلاله عن موافقة النادي الأهلي على المشاركة في مهرجان اعتزاله وان يقوم بإعداد كل شيء مع تركي آل الشيخ رئيس هيئة الترفيه بالمملكة العربية السعودية، لافتًا إلى انه طلب من النادي إرسال صيغة الخطاب ليقوم هو بإرسالها لتركي آل الشيخ إلا ان النادي لم يفعل ذلك "شاهد الفيديو كاملا".

وخرج بعدها قائد الأهلي في مقطع جديد قال فيه "في ناس كتير بيكلموني بيقولولي هل الموضوع باظ على 4 5 ساعات مينفعش موضوع زي ده يبوظ على 4 5 ساعات احنا بقالنا شهر ونص في مفاوضات بين ال 3 أطراف بيني وبين ما ينوب عن سيادة المستشار وما ينوب عن الكابتن محمود الخطيب".

وأضاف " بنتفاوض على الماتش هيتلعب فين السعودية ولا القاهرة ولا اسبانيا هل هيتعمل امتى علشان موضوع كورونا بس كان الموضوع خلص وكان بيتحط الرتوش الأخيرة وهينزل للناس".

وأتم عاشور حديثه " حتة ان الموضوع يبوظ علشان 4 5 ساعات لا ده بقاله شهر ونص، مش عارف الموضوع بيبوظ ليه وانا مش فاهم ليه وعلشان مصلحة مين اكيد مش علشان مصلحتي، النقطة كل ما الموضوع بيجي يخلص يبوظ انا مش فاهمها".