عبد الحفيظ: «محدش يقدر يهرب من عندنا».. نعطي الجميع حقوقه ولا نغير في العقود



أكد سيد عبد الحفيظ مدير الكرة بالفريق الأول لكرة القدم بالنادي الأهلي ان النادي ملتزم بعقوده مع جميع اللاعبين مما لا يجعل أي مجال لهروب أي لاعب من صفوف الفريق.

وقال عبد الحفيظ في تصريحات لقناة الأهلي "لم يضع فايلر أسماء بعينها حتى الآن لكي يسمح لهم النادي بالخروج على سبيل الإعارة، نحن لازال أمامنا شهر ونصف حتى نهاية شهر يناير".

وأضاف "لو في أي نوع من الحسابات الفنية ان لاعب بعينه ميكونش موجود، بنجيبه وبنتكلم معاه، ورغبته في النهاية هي اللي بتمشي، لكن لو في حد ممكن يمشي من غير رغبتنا ومن غير علمنا احنا مش من الناس اللي مبتديش اللاعيبة حقوقها، انت في الأهلي بتاخد حقك تالت ومتلت".

وتابع "في الأهلي مش بنغير عقود الناس بعد ما تمضي علشان تشتكينا أو تهرب من عندنا، محدش يقدر يهرب من عندنا لأننا ملتزمين معاه لو في رغبة لأي حد احنا بنتكلم معاه وبنحققله رغبته".

وأتم عبد الحفيظ حديثه "في الإطار التعاقدي مش بنغلط غلطة اننا منديش حد حقوقه، أو منكونش ملتزمين معاه، الغلطة دي احنا مش بنغلطها، احنا بندي الناس حقوقها ومش بنستنى حد يشتكينا".

استطلاع الراى


هل ينجح السنغالي أليو بادجي مع الأهلي؟
الدوري العام - 2019/2020