هاجم نادر شوقي وكيل اللاعب عماد متعب المدير الفني للأهلي حسام البدري بسبب عدم مشاركته في مباريات الفريق الماضية ببطولة الدوري.
وقال نادر شوقي في تصريحات لتيفزيونية: "دي اول اشارة صريحة ان عماد متعب غير مرغوب فيه بالنادي الاهلي اما تعتمد على ولد صغير مش على عماد متعب دي اشارة صريحة ان اللاعب غير مرغوب فيه".
وأضاف شوقي في حديثه: "اما يكون عماد متقال ليه هتطلع برة ماتش انبي وتلعب الـ 3 ماتشات اللي بعده ودا ميحصلش ويحصل على وعد من البدري دا انت عايز عماد يغلط والمدرب خلف وعده".
وواصل شوقي تصريحات الهجومية على البدري وقال: "انت ليه بتعمل كدا؟ انا طلبت من حسام البدري اقعد معاه مرتين عشان اوصل وجهة نظره لعماد متعب".
وعن حسام غالي قال وكيل متعب: "جوزيه مكنش عايز حسام غالي وقاله في وشك أنا مش عايزك، واحنا في وسط كروي بنتعامل يكون ليك موقف وانا زعلان وحزين اني بقول حاجة زي كدا".
واختتم نادر شوقي تصريحاته عن عماد متعب ليؤكد ان مهاجم الفريق سيتقدم بطلب رسمي من أجل الرحيل عن صفوف الأهلي خلال انتقالات يناير.