طالب أحمد سليمان عضو مجلس إدارة نادي الزمالك بضرورة ربط مجالس إدارات الأندية بميزانيات فرق الكرة، مؤكدًا أن هذا الأمر هو الحل الحقيقي لتثبيت الدوري المصري وتحقيق عدالة المنافسة، وذلك خلال تصريحاته في برنامج «اللعيب» على قناةMBC مصر.

وقال سليمان: «تعالوا نتكلم جد للدولة، مفيش حد في سيراميكا كليوباترا بياخد 25% من اللي بياخده اللعيبة الكبار، وتعالى شوف وادي دجلة الرابع في الدوري وباقي الأندية زي إنبي وسموحة وبتروجيت، كل ده قابل للتغيير»، مشددًا على أن الفوارق المالية تلعب دورًا كبيرًا في ترتيب الفرق.

وأضاف: «سألت في بتروجيت وقالولي فاصلين لعيبة بـ3 مليون جنيه، وإحنا قلنا 50 مرة إن ميزانيات الكرة لازم تبقى مرتبطة بمجالس الإدارات، والله قلتها 50 مرة يا دكتور أشرف صبحي، اربط مجالس الأندية بالميزانيات».

واختتم سليمان تصريحاته قائلًا: «أنا بصرف 10 مليون وبيجيلي 8 يبقى أنا فاشل، أقل حاجة أصرف 10 يجيلي 10، واللي ما يجيبش الميزانيات المطلوبة يمشي، وكل ده جوّه القانون، وده الطريق الوحيد لتثبيت الدوري المصري».