تحدث إبراهيم حسن، مدير منتخب مصر، عن شعوره بعد حضور قرعة كأس العالم 2026، مؤكدًا أن التواجد في هذا الحدث العالمي يمثل فخرًا كبيرًا لمصر.
وقال في مداخلة مع الإعلامي أحمد شوبير في برنامج الناظر على قناة النهار: "إحساسي إنك تبقى موجود في محفل كبير زي ده حاجة عظيمة وشرف كبير، وإنك تمثل مصر وسط كل الدول الكبيرة دي ووسط رئيس أمريكا فخر وحاجة كبيرة أوي".
وأشار إبراهيم حسن إلى كواليس ما قبل القرعة، موضحًا أنهم كانوا يتحدثون عن المنتخبات التي قد يواجهها المنتخب المصري، وقال: "كنا بنتكلم عن المنتخبات وقلنا قبل القرعة إن إحنا عاوزين نعمل ماتش ودي مع إيران، عشان كده لما طلعت في القرعة ولاقينا إيران في مجموعتنا ضحكنا".
وكشف مدير المنتخب عن استعدادات الجهاز الفني لمنافسات المونديال قائلاً: "فيه منتخبات بننسق معاها نعمل معاها ماتشات ودية زي أمريكا وألمانيا وأسبانيا، وبلجيكا عندها لاعيبة أقوياء جدًا وعاوزين نشتغل بشغل كويس مع كل الفرق اللي بنلاعبها".
وأضاف: "اتكلمت مع حسام إننا عاوزين ندرس الفرق بشكل كويس، وحسام طموحه ملهوش آخر.. إحنا بس عاوزين مساندة".