تحدث ياسين منصور المرشح على منصب نائب رئيس مجلس إدارة النادي الأهلي عن اجتماعه مع الكابتن محمود الخطيب وخالد مرتجي.
وقال ياسين منصور عبر قناة الأهلي:" قلت للكابتن الخطيب: " ،"بص يا بيبو، الأهلي ده زي ابنك، لو فضلت معاه هتتعب، ولو بعدت عنه هتتعب أكتر. قلت له كمان: لو حضرتك مش ناوي تترشح، فأنا هانزل. لو ما نزلتش الانتخابات على الرئاسة، أنا هانزل، لكن الأفضل إنك تترشح، وأنا أبقى نائبك".
واكمل : الكابتن محمود الخطيب قال لي: "هفكر"، فقلت له: " ده النادي الأهلي في النهاية، وأنا مقدرش أطلع من الدار للنار، فقال لي: لو أنا دخلت وانت ما دخلتش، هساعدك ، فقلت له: و مش هتنزل، أنا هانزل رسمي، رغم إن صحتي مش قوية، بس اتقال لي إنك مش عايز تبقى تحت ضغط وتبعد، فقلت له: لو بعدت، الضغط هيزيد عليك، ومش هتبقى قادر تاخد قرار. الأفضل إنك تترشح".
وأضاف :" الكابتن الخطيب اختارني كنائب لأنه عايز صوت معاه، وحد يسانده، ويكون له رأي. لو كان الكابتن محمود مش عايز يكون معاه حد له رأي، ماكنش اختارني، وده واضح بنسبة 100 في المية".
وأزاد :" بعدها اجتمعت مع خالد مرتجي، وقال لي: الأسرة والفريق مرتجي اسم كبير جدًا، وأنا علشان أشتغل محتاجك معايا، فقلت له: أنا مع كابتن الخطيب".
وأردف :" ناس كتير قالت لي: ليه ما تنزلش رئيس؟ فقلت لهم: إحنا في الأهلي، مين رئيس ومين نائب ومين عضو مجلس إدارة ومين كابتن الكرة؟ في النهاية كل واحد بيؤدي دوره لمصلحة المنظومة".