أعرب المغربي أشرف بن شرقي، جناح الفريق الأول لكرة القدم بالنادي الأهلي، عن سعادته الكبيرة بالانضمام إلى صفوف "المارد الأحمر"، مؤكدًا أن اللعب للنادي يحمل معه ضغوطات إيجابية ومسؤولية كبيرة نظرًا لشعبية الفريق وتاريخه الحافل بالبطولات.وقال بن شرقي في تصريحات إعلامية:"اللعب في الأهلي بيكون صعب شوية بسبب الضغوطات، فيه ملايين بيحبوا النادي واللاعيبة وعاوزينهم يفرحوهم ويكسبوا بطولات. الأهلي بيسهّل كل الأمور، وبيوفر أجواء ممتازة علشان تقدر تلعب كورة وتقدم أفضل ما عندك."وأضاف النجم المغربي:"الأهلي معروف من زمان إنه بيلعب على البطولات، وأي لاعب بيدخل النادي لازم يعرف إنه جاي علشان يكسب بطولات. دي حاجة كبيرة ومهمة، وبتخليني كل يوم أشتغل أكتر." وتابع بن شرقي:"الجمهور بيقدّم دعم كبير جدًا، ولما جيت لقيت استقبال رائع منهم وبيتكلموا معايا كويس، وده بيديني دافع قوي علشان أشتغل وأفرح الناس اللي بتحبني. أنا متشوق ألعب قدام جماهير الأهلي بعد المعسكر، وده حلم لأي لاعب."