كشف الإعلامي أحمد شوبير وحارس الأهلي الأسبق عن رأيه في الاستعانة باللاعبين الشباب لبناء جيل جديد قادر على خدمة الفريق على غرار برشلونة وآرسنال
وقال أحمد شوبير عبر اون سبورت اف ام:"عندك لاعيبة كويسين وانت كل سنة بيطلع من عندك لاعيبة بيتنطروا في الاندية ممكن مبيظهروش اوي لأن اللعب في الاهلي والزمالك ".
وتابع: "باريس سان جيرمان عمل ده، وارسنال عمل ده برشلونة عمل ده ، الى متي هنتجاهل ولادنا الصغيرين احنا لما الاهلي بيكسب الزمالك بنفرح والاهلاوية والزمالكاوية فرحة وسعادة طيب انت مفكرتش حد من الولاد دول يلعب.
وأضاف: "هل انت النهاردة كمشاهد كمشجع كمتفرج عندك استعداد انك تصبر شوية وتضحي مرة بنتائج موسم ما اصلا في مواسم بتضيع من الاهلي مثلا الموسم المحلي بالنسباله صعب جدا حتي الزمالك الموسم بتاعه صعب باستثناء نهائي الكاس".
وأضاف: "هل انت ممكن الادارة تقولك خلونا نبني فرقة علي مدار موسمين أو 3 مواسم ومش معني ان احنا بنبني يبقي احنا بنخسر ، باريس اهو ، الارسنال اهو برشلونة اهو هل تقدر تعمل ده؟ انت كمشجع مش هتقدر تعمل ده جمهور الاهلي مثلا يقولك الصفقات حد مثلا قال حمزة عبد الكريم حمزة الديجوي بلال عطية".