أكد  محمد بركات، نجم الأهلي السابق، أن موقف النادي الأهلي في أزمة مباراة القمة المؤجلة لا يمكن مقارنته بانسحاب نادي الزمالك من مواجهة القمة في الموسم السابق، مشددًا على أن الظروف مختلفة تمامًا، وأن عدم خصم نقاط من الأهلي هو أمر عادل ومنطقي.

وقال بركات خلال تصريحات تلفزيونية:"طارق السيد شايف إن عدم خصم 3 نقاط من الأهلي في نهاية الموسم ظلم للزمالك، وبيقارن الموقف بانسحاب الزمالك السنة اللي قبلها الحقيقة إن ده رأيه وليه كل الاحترام، لكن أنا شايف إن الموقفين ملهومش علاقة ببعض."

وأضاف:"إحنا عندنا رابطة الأندية فجأة قررت تحط ماتش الأهلي والزمالك قبلها بـ5 أيام بس، وقالوا إنها قرعة، لكن بعد كده اكتشفنا إنه مفيش قرعة أصلًا  ومش بس كده، قالوا مش هنقدر نجيب حكم أجنبي، في الوقت اللي الأهلي طالب فيه بتحكيم أجنبي وده حقه، والرابطة بنفسها كانت بعتت للاتحاد علشان تجيب حكام أجانب."

واختتم بركات :"من وجهة نظري، عدم خصم 3 نقاط من الأهلي هو أبسط حقوقه في ظل الظروف اللي حصل وأنا واثق إن القرار النهائي هيكون في صالح الأهلي، ومش هيتم خصم أي حاجة."