تحدث سيد عبد الحفيظ في تصريحات تلفزيونية عن الشيكات المفتوحة التي ذكرها أحد مسؤولين الزمالك للتعاقد مع لاعبي النادي الأهلي.
وقال عبد الحفيظ:" احنا بنتكلم عن التاريخ والأرقام ولما يتكرر الحاجة دي مش صدفة ، الأهلي على مدار ال ٤٥ سنة الي فاتو من أيام كابتن عبد الحميد وكل الي راحو من الأهلي للزمالك مكانتش رغبة الأهلي استمرار هؤلاء اللاعبين ودة حقيقي هات اي حد بإستثناء عبدالله السعيد واكتفى الزمالك بصورة".
وتابع:" رمضان صبحي وأحمد فتحي كانت رغبة الأهلي أن هم يستمرو ولكن تحديدًا مع الزمالك لا اي حد انتقل مكانتش رغبة الأهلي أنه يكمل فكان فضلة خير الأهلي وكانت مستمرة من التمنينات لحد دلوقتي".
وأضاف:" الأهلي الصفقات الي جت من ساعة رضا عبد العال كانت رغبة الزمالك أن اللعيبة تكمل مثل اينو وكهربا وإمام عاشور وبن شرقي كان رغبة الزمالك أنه يرجع، انهاردة انت بتتكلم في زيزو والأهلي التعاقدات الي جاية من الزمالك استفاد من نوعية الإختيار ما بين السن والإحتياج والقيمة الفنية".
واكمل:" حتة ان عندك شيكات مفتوحة للتعاقد مع لاعبي الأهلي الأمر دة يتقال ليك أنت خلي شيكاتك عندك الي يعوزه البيت يحرم على الجامع قضي إحتياجاتك الأول ولو يقدر ياخد ياسر إبراهيم ورامي ربيعة يتكل على الله".