تحدث لاعب النادي الأهلي السابق وليد سليمان عبر قناة إم بي سي مصر 2 مع الإعلامي إبراهيم فايق عن عدم خوض الأحمر للقاء القمة.وقال وليد سليمان:" كل نادي بيدور على مصلحته وحقه والأهلي في البداية بيدور على النظام والسيستم وبعت جوابات وخطابات كتير للمسؤولين عن الكرة في مصر ان الدنيا مش احسن حاجة وبقالنا كتير بنطلب خبير أجنبي."وأضاف:" حد مسؤول اتكلم وقال إن الدوري موجه كل دة عمل قلق وحاجة مش كويسة في القرارات الي اتاخدت وانا لما اشوف واحد مسؤول عن الكورة في مصر يقول الدوري موجه وبطلب رئيس لجنة حكام أجنبي وسيستم ونظام ومحدش بيستجيب يبقى انا بدور على مصلحتي".وتابع:" إنما ولا يفرق مع الأهلي دوري ولا ٣ نقط إنما عايز نظام وسيستم ولجأ إلى الأشياء الشرعية وكل واحد في النادي مسؤول عن حاجة قانونية شغال فيها والأهلي نفسه طويل.. كل واحد شايف ان القرار صح من مصلحته الأهلي عايز سيستم ونظام".