صرح أحمد شكري لاعب الأهلي الأسبق بأن نجم المنتخب المصري وأسطورة الأهلي محمد أبو تريكة كان من الداعمي له وكل لاعبي جيله، مؤكدا أنه كان يستحق الظهور في الفيديو الاحتفالي الأخير الخاص بالنادي.
وقال أحمد شكري في تصريحات في برنامج بودكاست "فنجان شاي" مع الإعلامي أحمد أسامة: "أبو تريكة لما صعدنا للفريق الأول كان حلم لأي حد يشوفه، أبوتريكة 2006 وهدف الصفاقسي، وبطولة أمم أفريقيا 2006 و2008 و2010 هو كان ايقونة الجيل الذهبي".
وتابع شكري: "مش موجود دلوقت كتير لاعيب ينصحك ويخاف عليك في التوقيت ده محدش بينصح حد وكله عاوز مصلحته الخاصة وإنه يبقى كويس وملوش دعوة بحد".
وأضاف: "وفيه حاجة تضايق لما إنسان يطلع يتكلم عن أبو تريكة بالسوء ده وبالشكل ده مش عارف أعبر ممكن يكون ايه، واللي بيغلط فيه بيكون غيران من نجاحه اللي حققه وبعدين لو حد سألني على ابو تريكة المفروض حد يتعامل هو شاف ايه منه مش سياسة".
وتابع: "ده عمر ماحد اشتكى منه وكل الناس اللي اتعاملت بيه عمرها ما قالت إنه عمل معاهم موقف وحش ، انما السياسة انا مالي بيها انا مليش دعوة بسياسة، بص لأسلوبه لما حد بيجرح فيه هو راجل ذوق وعمره مارد على حد جرحه ودايما يتكلم على كل الناس بأدب".
وأكد: "وحتى في فيديو الاحتفالية الراجل عمل حاجات كتير للنادي ومن حقه إنه يتوثق بالشكل ده، وهو حصل على موافقة أمنية وحتى لو مكنش حصل عليها هو معملش حاجة غلط ده شرف ليه وحقه".