علق خالد بيبو المدير الرياضي السابق للأهلي على أزمة مباراة القمة الأخيرة وعدم مشاركة المارد الأحمر في مباراته ضد الزمالك لعدم تعيين حكام أجانب من جانب اتحاد الكرة ورابطة الأندية المصرية. وقال خالد بيبو في تصريحات عبر برنامج "حبر سري": "مش عايز أقول إن النادي الأهلي انسحب، أنا هقول إن الأهلي لم يشارك في المباراة، هو كان حاسس من كل المقدمات قبل المباراة إن الأمور مش أحسن حاجة من ساعة آخر مباراة في الدور الأول مع الزمالك بنشوف أمور غريبة بتحصل". وتابع بيبو: "مفيش أي داع لعمل قرعة بدون ما أي حد يشوفها، ومش فاهم اشمعنى القرعة اللى عملناها بالذكاء الاصطناعي، ليه مخليناش التحكيم بالذكاء الاصطناعي؟ ليه القرعة فقط؟ موضوع غريب جدا". وأضاف: "النادي الأهلي مش ناقصه بطولات، الفكرة مع الإدارة والكابتن محمود الخطيب ليست البطولات، ولكن تكمُن في تنفيذ لوائح، ولو أخسر بطولة ويكون بعد كده نظام ولوائح تُنفذ، ويبقى كل شيء في النور".