تحدث المدير الرياضي للنادي الأهلي الكابتن محمد رمضان عن موقف أكرم توفيق وازمة تجديده مع القلعة الحمراء.وقال محمد رمضان: "أكرم توفيق هو بالنسبة ليه او لغيره أتمنى كلامي ميتفهمش غلط او يبقي في هجوم علي الي بقوله ، رفقًا باللاعيبة مش عاوزين يبقي في قسوة عليهم".وأضاف: " اللاعيبة مسيرتها لحد سن ال ٣٠ وبينتهي عقده مبيبقاش فيه دخل عنده ممكن لما يوصل لخمسين سنة ميدخلهوش دخل سنة واحدة من الي كان بياخده فمش عاوزين نقسو لما بيدورو علي مصلحتهم". وتابع : " هناك لاعبين بيبقي عندهم رقي في الفكر بحيث ان عندهم الأهلى دة بالنسبة ليها بتحبه او بتعشقه دي وجهات نظر وبيبقي مردود كبير عند الجمهور بيبقي جميل". وأكمل:" لو اللاعيب موجود عندي والكيرف بتاعه قل مستواه أو سنه كبر او جالي بديل ليه ، هل بخليه يكمل ولا بستغنى عنه ، فخلاص هو اللاعيب شايف انه جايله عرض ضعف الي جايله من النادي فمن حقه يفكر فيه ، النهاردة اكرم كان من افضل اللاعيبة الي في الملعب".