لقن الإعلامي أحمد شوبير حارس الأهلي ومنتخب مصر الأسبق درسا قاسيا لكل من روج شائعة ارتباط النادي الأهلي برحيل مدرب الزمالك جوميز لنادي الفتح السعودي.
كشف الإعلامي أحمد شوبير حارس الأهلي ومنتخب مصر الأسبق: "جوميز مشي ليه؟ بدأ البعض يقول انه لعبة من الأهلي، قسما بالله لو الأهلي هو اللي كان سبب إن جوميز يبقى نادي عبقري".
وتابع: "لو الأهلي لهذه الدرجة متغلغل ومسيطر داخل نادي الزمالك وبيجيب أندية من برة وعرض وعقد بعد اليوم اللي قال فيه أمين صندوق النادي إن جوميز زملكاوي ومواليد ميت عقبة ده يبقى عبقري والأهلي أكبر جهاز مخابرات في الرياضة".
وأضاف: "إنك توصل تعرف تعمل ده في وسط الرئيس بتاعهم وأمين الصندوق والنائب واللي قالوا اعتبروه وقع واعتبروا جدد وبعدين فجأة تلاقيه خرج، لازم الزمالك يخلي باله لازم طول ما هما ماشيين يبصوا وراهم وقدامهم وخليك خايف لأن ممكن تلاقي حد من مجلس إدارة مشي".
وأشار: "كل ما يمشي مدرب تقول الأهلي، كل ما يمشي لعيب تقول الأهلي، كل ما يمشي إداري تقول الأهلي، الأهلي مش عبقري في الملعب بس بيحصل على بطولات على المستوى العالمي والأفريقي بيصول ويجول لاء ده عبقري في ده كمان بيدخل بيعرف الحاجة اللي تعكننك يدخل يبوظهالك ده إذا كان بيعمل كد".
ولفت:"قولولي الأهلي ولا مش الأهلي وكولر ليه مبيجلوش عروض كده عقلية مخابراتية رياضية اللي بيخطط كده اقوله والله برافو عليك، يا عم اقف وبص وشوف أخطاءك وشوف ليه الخطأ بيتكرر في لعيب او مدرب أو إداري".
وزاد: "أسهل حاجة الحكم خسرنا الدوري ليه الحكم خسرت أفريقيا ليه الحكم ادى شماعة، اللعيب مشي ليه؟ الأهلي، المدرب مشي ليه؟ الأهلي.. يطلع اللعيب يقول استنيت يقولك اهو فضلنا مخدتوش ليه".
واختتم: "المدرب بيحبك مجددتش ليه؟ المدرب عاوزك ممضتوش ليه؟ هو اي حاجة لازم ترمي على أي حد بص يمين وشمال عشان تتعلم من أخطائك، ترمي كام مليون اشاعة وكام مليون حدوتة جميل انت بتعظمني انت كل شوية بتقولي مفيش زيك يا أهلي أنا مش قادر عليك".