علق الإعلامي الرياضي أحمد شوبير على تعادل الأهلي مع أورلاندو بايرتس في المباراة التي أقيمت أمس الاثنين، ضمن منافسات دوري أبطال أفريقيا.وقال شوبير في تصريحات إذاعية: "كمان بعد المباراة في الاستوديو التحليلي كان فيه انتقادات لعدد من لاعبي الأهلي مثل رضا سليم، ولما نزل بيرسي تاو كان كويس، وأفشة كان كويس، وحسن الشحات لعب 10 دقايق وكان كويس".وتابع : "وتلاقي البعض يقول لك: لما هما كانوا كويسين ليه ما بدأش بيهم؟ خلاص، قربنا نجنن، يعني يبدأ ببيرسي تاو يقولوا ليه؟ ده هيمشي في يناير، ما يبدأش بيه؟ يعني أقفل الشباك ولا افتحه؟ الدفاع كان كويس. واختتم :"لكن لو لا قدر الله حصل حاجة هتلاقي الهجوم ليه أشرف داري ملعبش؟ أنت جايبه تقعده على الدكة؟ بس الدفاع كمان كان كويس قوي إمبارح، والشناوي تعامل مع الكرات التي وصلت له بشكل جيد."