تحدث حسين الشحات، لاعب الأهلي، عن انتهاء الأزمة التي كانت بينه وبين محمد الشيبي، لاعب بيراميدز، بعد العناق الذي جمعهما خلال الحفل الذي أقيم يوم السبت.

وقال حسين الشحات في تصريحات تلفزيونية: "الأزمة بدأت في الحفل، وكان عندي رغبة إني أصافح محمد الشيبي. قبل كده كنت صفقت ليه في مناسبة تانية وقلت إنه أفضل ظهير أيمن في الدوري المصري.

وتابع :وبعد كده، في الحفل، تكلمت مع مصطفى شوبير عن موضوع المصافحة، وقال لي إنه ممكن يحصل إحراج قدام الكاميرات، لكن شقيقي محمد قال لي: 'روح، خلاص صافحته مفيش مشكلة'."

وأضاف: "مصطفى رجع حذرني تاني، وكنت متردد شوية عشان ما يحصلش موقف محرج. فبعتنا محمد يروح لشيبي الأول عشان يطمننا، وبعد كده، رحنا وصافحته وتم التصالح، وانتهت القصة."

وتابع: "أكيد أخطأت في الفترة اللي فاتت، والاعتذار اللي قدمته لمحمد الشيبي كان لازم. في حد تدخل عشان يحل المشكلة، وكل حاجة خلصت."

وأشار الشحات إلى أن "رضا سليم كان له دور في التدخل وحل الأزمة بيني وبين الشيبي، والحمد لله الأمور رجعت لطبيعتها بعد الحفل، وأنا سعيد جدًا كده."