تحدث الإعلامي أحمد شوبير عن محاولات البعض في التدخل في قصة علي معلول مع الأهلي عقب تصريحات محمد رمضان المدير الرياضي للنادي الأخيرة والذي أكد انه وفق الاتفاق مع علي معلول سيكون هذا الموسم الأخير مع الأهلي وفق حالته.
وقال شوبير عبر قناة الأهلي: " إذا كانت زوجة النجم الكبير علي معلول كتبت كلمتين ومالوا ما من حقها وعلي معلول له حق كبير وكتير علينا ياما قدم. وياما صنع وياما سجل وياما وياما وحاجات كتير ياما، بقول لحضرتك معلول في قلوب الجميع مجلس ادارة النادي الاهلي والجهاز الفني للنادي الأهلي ولاعبي النادي الأهلي، جمهور النادي الاهلي كل ما يمت للنادي الاهلي بصلة هو عاشق لعلي معلول هو يهيم شوقا يهيم عشقا يهيم حبا في علي معلول".
وتابع شوبير: " الله يخليكم يا اللي بتصطادوا فى المياه العكرة ابعد يا شيطان ابعد يا شيطان ابعد يا شيطان ابعد، احنا مع بعضنا احنا بنحب بعض احنا بنخاف على بعض، ليه لان احنا فاهمين النادي الاهلي يعني ايه وعارفين قيمة النادي الاهلي وعارفين مصلحة النادي الاهلي ايه وعارفين من هو علي معلول بالنسبة للنادي الأهلي".
وأضاف شوبير: "محمد رمضان قال ان هناك اتفاق مع علي معلول انه هذا الموسم يكون الاخير بالنسبة لعلي معلول طبقا لحالته، الأهلي قال رغم اصابة علي معلول موجود معنا بعقد ومكمل معنا هذا الموسم، قال هذا اتفاق بيني وبين علي معلول اللي قال لما ارجع اشوف الدنيا شكلها عاملة ازاي".
وأشار شوبير: " لا حد قال الاهلي بيستغنى عن علي معلول ولا حد قال علي معلول مش هيكمل في النادي الاهلي اطلاقا خالص، الأهلي منتظر على احر من الجمر عودة علي معلول والدليل ان النادي الاهلي حاول ان يعطي له الجنسية المصرية".