رد إيهاب الكومي، عضو مجلس إدارة اتحاد الكرة، على مطالب إلغاء بطولة الدوري المصري وسط الأزمات العديدة التي تحيط بالمسابقة خلال النسخة الحالية.
وقال إيهاب الكومي في تصريحات عبر القناة الأولى المصرية:"لا توجد أندية رفضت إرسال لاعبين تحت السن للمنتخب الأولمبي، الموضوع كله كان بخصوص اللاعبين فوق السن، الأوليمبياد مش أجندة دولية فمن حق النادي عدم إرسال أي لاعب، زي الأندية اللي برا".
وواصل "في الأول والآخر ده منتخب البلد وأنا عامل الدوريات دي كلها عشان المنتخب، لكن في التوقيت الأخير إحنا ممكن كـ اتحاد الكرة ورابطة الأندية نقترح إلغاء الدوري".
واضاف "نسعى لبدء موسم استثنائي من السنة اللي جاية بسبب تلاحم المواسم، كفى إصابات وإرهاق للاعبي الدوري، بالإضافة للمشاركات القارية الأفريقية".
وتابع "المنتخبات قبل الأندية لكن أنت مرتبط بمواعيد قيد أفريقية ومحلية وفي شهر 9 مباراتين لمنتخب مصر في تصفيات كأس الأمم الأفريقية".
واضاف"طيب نلغي الدوري، مهو اللي إيده في الميه مش زي اللي إيده في النار، أنت عشان تاخد قرار لازم تقعد تشوف وتفتش تبعات القرار وإيجابياته وسلبياته، سهل أوي أعمل عنتر للمنتخب وإلغوا الدوري صعب".
واتم "أنا عشان ألغي الدوري مبالغ باهظة من الرعاية اللي موجودة، والأندية تقولك متلغيش الدوري، فلازم تحل في إطار أفضل الحلول اللي متجرحكش".