تحدث السويسري مارسيل كولر المدير الفني للفريق الأول لكرة القدم بالنادي الأهلي، عن العدالة في اختيارات اللاعبين للمشاركة مع الفريق رغم الاختلافات التي تحدث مع بعضهم.
وقال كولر خلال حديثه عبر قناة إم بي سي مصر: "أنا هنا متعين مع النادي الأهلي كمدرب ولازم أنجح مع المجموعة دي من اللعيبة.. واللعيبة هنا مختلفين عن أوروبا ولازم أتأقلم مع الأجواء الموجودة هنا".
وأضاف: "مقدرش اعمل كل حاجة زي أوروبا واللعيبة الموجودة لأن العقلية مختلفة وهما في أعمار مختلفة لو واحد عمل حاجة مش صح أو حاجة مش مظبوطة وأنا شايف أنها غلط أنا بتكلم مع اللاعب في ساعتها وفي حاجات كتير بتكلم قدام الفريق كله علشان يعرفوا ايه بالنسبالي مش مقبول وبالنسبالي في اللحظة دي الموضوع انتهى لو حاجة كبيرة ممكن يتخصم للاعب وبشوف اللاعب بعدها رد فعله عامل ازاي لو بتدرب كويس هتلعب".
وأكمل: "أنا مبحبش قلبة الوش لأني شخص متفائل وبحب الطاقة الإيجابية دايما وساعات لقيت ده بيحصل هنا لكن بقدر أني بتعامل معاه مش بدي ضهري للاعب بتاعي بديله فرصة للاعب في أي وقت".
واختتم كولر حديثه: "محتاج اللاعب يتمرن كويس طول الوقت في لعيبة كانت مصابة فترة طويلة زي كريم فؤاد وأكرم اللاعب بيرجع من إصابة طويلة ويبقى فاكر أنه جاهز أول ما يرجع وده مش حقيقي".