عبر محمد مجدي أفشة لاعب الفريق الأول لكرة القدم بالنادي الأهلي، عن سعادته بعد التتويج بلقب دوري أبطال إفريقيا على حساب الترجي التونسي.
وتوج المارد الأحمر بدوري أبطال إفريقيا للعام الثاني على التوالي وللمرة الـ 12 في تاريخه، بعد الفوز على الترجي التونسي بهدف دون رد في إياب نهائي دوري أبطال إفريقيا الذي أقيم مساء أمس السبت على ستاد القاهرة الدولي.
وكتب أفشة عبر حسابه الشخصي على موقع التواصل الاجتماعي إنستجرام: "مفيش كلام أقوله أكتر من الحمد لله، كرم ربنا ملوش حد، 4 بطولات إفريقيا مع النادي الأهلي".
وأضاف: "كنت فرحان بأول بطولة، وبعد الرابعة لسة بقول في تاني، ايه النادي الغريب ده ! ايه الجمهور الغريب ده !".
وأكمل: "كل اللي كان في بالي أن يارب الناس دي تروح مبسوطة، يارب الناس جاية من الصبح في الحر والشمس، يارب أسر وأطفال وكبار وحالات إنسانية، اللي من مطروح وإسكندرية وأسوان، اللي بايت قدام الاستاد ايه العظمة دي".
واختتم أفشة: "جمهور الأهلي بيدي طاقة متتوصفش، شعورك وأنت في ملعب مقفول كأنك طاير في السما، الأهلي نعمة كبيرة جدًا، الأهلي هو التاريخ والمستقبل، شكرًا يا أهلي على السعادة والفرحة، مبروك يا رجالة، والله يسامحك يا عارضة".