تحدث إبراهيم نور الدين، عن الأخبار التي تم تداولها عبر مواقع التواصل الاجتماعي قبل مباراة الأهلي والزمالك في بطولة الدوري الممتاز، والتي كانت تشير على اعتراض النادي الأهلي على تعيينه لإدارة المباراة.
وقال إبراهيم نور الدين خلال حديثه عبر قناة دي إم سي: "أنا بالنسبة للإعلام مادة مش أنا كـ إبراهيم نور الدين لكن أي حكم لمباراة القمة هيكون مادة للإعلام".
وأضاف: "كان في حملة موجهة ضدي وضغوط من بعض الجماهير في الفريقين وده من حقهم".
وأكمل: "مجموعة من الحكام السابقين اللي بتربطهم علاقة جيدة ببعض الإعلاميين بيبدأوا يوجهوا الرأي العام ضدي هما فيهم ممكن ناس مستكترين عليا أني احكم ماتش قمة اللي معندوش ثقة في نفسه بيبقى عنده مشكلة في نجاح زميله".
وواصل: "النادي الأهلي نادي محترم ومؤسسة بيحكمها لوائح وأصول والمسئولين في النادي الأهلي لما يحبوا يعترضوا زي ما حصل عليا في واقعة سابقة هيبقى الكلام ده ببيان رسمي رايح لاتحاد الكرة".
وأردف: "فأحنا عاوزين نستبعد كلمة النادي لأن اللي حصل حصل من خلال السوشيال ميديا أو بعض الإعلاميين المنتمين للنادي لكن ده رأيهم الشخصي".
واختتم إبراهيم نور الدين حديثه: "لكن في الأول والآخر الرأي بيكون لمجلس الإدارة وكيان بيخاطب كيان يعني لو كان في اعتراض عليا كان هيبقى في خطاب رسمي موجه للاتحاد اننا بنرفض وده كان بيحصل زمان".