تحدث مصطفى شوبير حارس مرمى الفريق الأول لكرة القدم بالنادي الأهلي، بعد الفوز الذي حققه الفريق على الزمالك في نهائي كأس مصر.
وحقق النادي الأهلي الفوز على الزمالك بهدفين دون رد في المباراة التي أقيمت مساء اليوم الجمعة، في نهائي كأس مصر الذي أقيم على ستاد الأول بارك بالعاصمة السعودية الرياض.
وقال مصطفى شوبير بعد المباراة: "أتشرف أن أحمد شوبير والدي وأكمل جزء من التاريخ اللي هو عمله والربط ده طبيعي أنت بتتعب وبتاخد بالأسباب وربنا مش بيضيع تعب حد".
وأضاف: "جمهور الأهلي هو دايما سندنا الأول وبيلف ورانا العالم كله بشكرهم وبباركلهم وببارك للعيبة ومجلس الإدارة".
وأكمل: "أول مرة أبويا وأمي يحضرولي ماتش في حياتي فمبسوط وقولت للسولية قبل الماتش أنا أبويا وأمي هيحضروا الماتش وعاوز افرحهم أخويا بيحضر على طول لكن حضور أبويا وأمي دي حالة خاصة ليا".
واختتم شوبير حديثه: "الواحد بيستحمل كتير هما بيستحملوا أكتر بكتير الكلام بيكون مؤذي ليهم لكن بيستحملوا علشان شايفينك بتتعب والناس جاية عليك هما نفسهم بيزعلوا الحمد لله ربنا كريم".