أكد الخبير التحكيمي سمير عثمان أنه يتوجب على مسئولي الاتحاد المصري لكرة القدم تحديث النظام الخاص بتقنية الفيديو المساعد، التي يتم الاعتماد عليها في إدارة المباريات بالدوري العام.

وخلال تحليله للأداء التحكيمي في مباراة المقاولون العرب أمام المصري التي انتهت بالتعادل بهدفين لكل فريق، أكد سمير عثمان أن هدف ذئاب الجبل جاء من تسلل خاطئ، لم تحتسبه تقنية الفيديو.

وقال عثمان: "مساعد الحكم في موقف متميز، وبالعين المجردة أنا متأكد أن هذه الحالة يجب أن يتم احتساب هذه الحالة تسلل، لكن هناك تقنية فيديو، وهي (بتكتف المحلل لما ييجي يحلل) ".

وأضاف:" (لكن فيه نقطة وكلام بوجهه لاتحاد الكرة وليهم مسئولية كاملة، هما عارفين الكلام ده وبنعيد تاني، احنا لسه في بداية الموسم ومش عاوزين فرق تتظلم بسبب الـ VAR)، وأتمنى أن يكون هناك ردًا رسميًا من اتحاد الكرة".

وتابع:" (السوفت وير بتاع الفار لازم يتحدث، ده سوفت وير قديم خاص بالتسلل، واتعمل عليه 3 تحديثات)، وفي هذه الحالة حكم الفيديو عمل بشكل صحيح، ووضع النقاط بشكل سليم".

وأكمل:" (لكن عشان السوفت وير قديم بيطلع النتيجة مش سليمة بنسبة 99%، ده يرجعنا لحاجات كتير منها كرة عاشور الموسم الماضي) "، في إشارة منه للهدف المغلي الذي سجله بيرسي تاو في شباك فاركو.

وواصل:" (الحكم بيحط النقط صح في حالة لو السوفت وير جديد، لكن السوفت وير في اتحاد الكرة قديم، ولو كلامي غلط يطلعوا يقولوا.. الكرة دي تسلل طبقًا للي أنا شايفه) ".

وأتم عثمان:" (محدش يقدر يغلط الحكم ولا حكم الفيديو في الحالة دي، أنا بتكلم في تجديد الأجهزة، ولو الأمر مُكلّف مكنتش تجيبه من الأول، انت أصلا بتدفع فلوس، وأكيد لجنة الحكام عارفة اللي بقوله ده، طالما المعلومة وصلت لي، يبقى اكيد جوا الاتحاد عارفين) ".