رد إسلام الشاطر الإعلامي بقناة النادي الأهلي على جزء من تصريحات هناء حمزة نائب رئيس مجلس إدارة الاتحاد المصري للكرة الطائرة والتي أدلت بها خلال تواجدها عبر قناة صدى البلد يوم الثلاثاء الماضي.

وقال الشاطر خلال حديثه عبر قناة الأهلي: "بخصوص الحوار اللي عملته كابتن هناء حمزة انا ممكن جدا دلوقتي على الهواء مباشرة اتهم حضرتك بالكذب أمام الشاشة ليه انا بقول كدة؟ لأن حضرتك امبارح كذبتي في حاجات كتير لكن أهم حاجة انتي كذبتي فيها ومعايا اثبتات ليها".

وأضاف: "حضرتك قولتي أني لعبت سنة أو سنتين في النادي الأهلي أنا لعبت أكتر من كدة مش هقولك كام سنة دي أول كذبة حضرتك كذبتيها أقدر أطلع على الشاشة أقول حضرتك كذبتي في هذا الأمر وأنا ميهمنيش حضرتك تعرفي لعبتي قد ايه".

وأكمل: "ثانيا أنا استأذنت كابتن أسامة حسني أني هتكلم في هذا الأمر لأنه أمر شخصي تاني كذبة حضرتك كذبتي فيها قولتي بناءا على معلومات حد قالها كلنا عارفين مين اللي قالها وعارفين حضرتك بتجيبي معلوماتك منين حضرتك قولتي أن كابتن أسامة حسني بياخد 200 ألف جنيه في الشهر من واقع السجلات مش أنا اللي قولت حضرتك اللي قولتي.. يبقى كدة حضرتك كدبتي الكدبة الأولى فيما يخص شخصي فأنا برد عليكي تاني حاجة حضرتك كدبتي فيما يخص كابتن أسامة حسني".

وواصل: "أنا اللي بمضي على كشف المرتبات فعارف أسامة بياخد كام فاستأذنته قولتله هطلع أقول تقريبي الرقم اللي بتاخده علشان نريح الناس.. أنا بقول لحضرتك بناءا على السجلات حضرتك كدبتي الكدبة التانية".

وأتم إسلام الشاطر حديثه: "أنا مش هقدر اطلع هذه السجلات على الشاشة لكن لو حد جه سألني وقالي بقول على كابتن هناء كدبت ليه هوريله السجلات وهوريله أن اسامة حسني بيقبض أقل من ربع المبلغ اللي حضرتك بتقولي عليه فبالتالي دول كدبتين حضرتك كدبتي فيهم وانا بقول لحضرتك على الهواء مباشرة حضرتك كدبتي يا كابتن هناء".