أعلن سعد شلبي المدير التنفيذي للنادي الأهلي أن القميص الجديد للفريق الأول لكرة القدم بالقلعة الحمراء سيظهر بدون شعار (نادي القرن في أفريقيا).

وقال سعد شلبي خلال حديثه عبر قناة النادي الأهلي: " أنشأنا شركة الأهلي لكرة القدم هي مملوكة للنادي الأهلي لكن تظل ملكية العلامة التجارية مملوكة للنادي الأهلي وليست مملوكة لشركة الأهلي لكرة القدم وفي هذا الوقت كان عندنا مجموعة من العقود التجارية جمهور الأهلي يعي جيدا موقفه تجاه التغيير اللي حصل في العلامة التجارية يعكس ثقافة راقية جدا لجمهور النادي الأهلي وفهمه لهذه العلامة علشان كدة احنا مهتمين بهذا الشأن".

وأضاف: "الموسم ده خلص 30/8 فكانت العقود بتاعت الحقوق التجارية مازالت سارية واللي موقعها النادي الأهلي وكان من جوا الحقوق دي أننا مرخصين الشركة اللي كانت شارية الحقوق التجارية في هذا التوقيت حتى تاريخ 30/8 هو الاستخدام الحصري للقب نادي القرن".

وأكمل: "وبالتالي احنا كان عندنا التزام بهذا اللقب حتى 30/8 فكانت شركة كرة القدم مضطرة أنها تصمم علامة تجارية ليتم وضعها على القميص استعدادا لموسم 22/23".

وواصل: "يمكن الجمهور لحد دلوقتي متابع أننا في مرحلة الخطوات النهائية لإنهاء العقود التجارية الجديدة اللي بتبدأ من موسم 22/23 لحد موسم 25/26 وبالتالي كابتن محمود الخطيب مع مجلس الإدارة الموقر خاطبنا الشركة الموردة للملابس الرياضية انهاردة احنا بنتعامل كل مرة النادي الأهلي يزداد تطورا الأربع سنين الماضية كنا نتعامل مع شركة أمبرو لكن انهاردة احنا بنتعامل مع الشركة رقم 1 في العالم نص العقد كان بيقول أن قبل بداية الموسم بـ 9 أشهر لابد من إرسال العلامة التجارية اللي بتبقى موجودة على التيشيرت وأيضا بيبقى التصميمات بتاعت الملابس بتتم قبل الموسم بـ 9 شهور".

وأتم سعد شلبي حديثه: "احنا كلنا حاسين أن في خلل عندنا في الموسم الرياضي كل الدوريات في العالم شغالة بقالها أسابيع واحنا لسة مبدأناش الموسم الرياضي احنا عندنا عدم توافق مع الأجندة العالمية وأجندة التصنيع لأن قبل 9 شهور لازم تبلغ الشركة".