علق إكرامي الشحات حارس مرمى الأهلي ومنتخب مصر الأسبق على ما تردد بشأن محاولاته إعادة رمضان صبحي لاعب نادي بيراميدز لصفوف القلعة الحمراء مرة أخرى.

وقال اكرامي في تصريحات تلفزيونية أمس الثلاثاء "90% مما يقال على السوشيال ميديا بيكون كذب في وجهة نظري".

وتابع "الي اتقال اني اخدت رمضان صبحي ورحنا لحسن حمدي ليتوسط عند محمود الخطيب من أجل عودة اللاعب والله العظيم ما حصل".

وأضاف "قعدة الصلح تحصل لما يتطلب انه يحضر ويبقى في جلسة، ولكن في كذب وافتراء عليا من ناس بتتكلم عني واني اتصلت بحسن حمدي وحسن مصطفى ليتوسطوا واقسم بالله ده ما حصل".

وواصل "انا مش معايا رقم حسن مصطفى اصلا، الكلام ده كذب وافتراء والله العظيم والله يسامح الي بيقول الكلام ده".

واختتم اكرامي تصريحاته "لو اتطلب مني اعمل كدة هعمل كدة، لكن لو متطلبش مش هتسول اني اطرق الأبواب من أجل عودة رمضان صبحي للأهلي تاني، انا قلت بتمنى انه يرجع الاهلي".