كشف أحمد شوبير الإعلامي بقنوات أون تايم سبورتس عن تفاصيل جديدة تخص محمود عبد المنعم كهربا لاعب الفريق الأول لكرة القدم بالنادي الأهلي.وقال شوبير خلال حديثه عبر إذاعة أون سبورت: "حصل تواصل بين كهربا وبين سيد عبد الحفيظ كان المفروض في اجتماع لكن اكتفوا بالتواصل التليفوني لكنه حتى هذه اللحظة مفيش حسم الحسم مش موجود".وأضاف: "أنا بقولك معلومة كهربا قال انا هنتظر قصة معسكر هولندا انا لو موجود في المعسكر يبقى الدنيا ماشية معايا كويس.. لو مش موجود خلاص كدة هبقى عارف ان النادي الأهلي بيقولي متشكرين اتكل على الله ربنا ييسر الحال".وأتم أحمد شوبير حديثه: "اشوف هلعب فين نادي يقدر يدفعلي المبلغ ده كله ولا هعلن اعتزالي ولا هعمل ايه.. هو في حيرة وربنا يكون في عونه لأن الأمر بالنسباله مش سهل على الاطلاق".محمود كهربا كان قد تمت إعارته إلى نادي هاتاي سبور التركي خلال فترة الانتقالات الشتوية الماضية لمدة ستة أشهر، وانتهت إعارته بنهاية الموسم المنقضي، ولم يتم حسم أمره مع النادي الأهلي حتى الآن.