أوضح طارق العشري المدير الفني للفريق الأول لكرة القدم بنادي طلائع الجيش حقيقة رحيل بعض اللاعبين من فريقه للانضمام إلى الأهلي والزمالك خلال فترة الانتقالات الصيفية المقبلة.وقال العشري خلال حديثه عبر إذاعة أون سبورت: "أنا قعدت قاعدة مفصلة مع مجلس الإدارة، وكان احد الامور اللي تطرقنا اليها علشان وصلنا لمرحلة جيدة جدا وعندنا اهداف في الفترة المقبلة احد هذه الاهداف هو المحافظة على المكانة اللي وصلنالها وعلشان نحافظ عليها لازم نحافظ على القوام الاساسي بتاعنا".وأضاف: "تم التجديد لمحمد بسام وبقيت اللاعبين لهم عقود ممتدة، طلبت بعض الامور بالنسبة لعقود اللاعبين وان شاء الله النادي يستجيب بشكل كويس على اساس اننا نحافظ على القوام الرئيسي بتاعنا وبحاول ادعم بشكل كويس بلاعبين جدد". وأتم العشري حديثه: "محمد بسام والزناري وعمرو السيسي مستمرين مع طلائع الجيش؟ ان شاء الله مفيش نية للاستغناء عنهم هتبقى مشكلة ان اللاعبية تتحرك وعلشان تقدر تحافظ على اللي انت وصلتله لازم تحافظ على القوام الأساسي للفريق".