تحدث أمير مرتضى منصور المشرف العام على فريق الكرة بنادي الزمالك، حول إصابة طارق حامد وموعد عودته الى تدريبات الابيض.

وتحدث أمير خلل تصريحات عبر قناة "أون تايم سبورتس 2": "إصابة طارق حامد بدأت من 8 يناير ورجع 5 مارس وجري بعدها 8 كيلو وكان أكتر لاعب جري في التدريبات".

وتابع: "بعد الخسارة من انبي، خد انذار الثالث وطلب من فيريرا يعمل تأهيل في المنصورة الراجل مسمعش إن في مركز تأهيل في المنصورة ".

وأضاف: "فيريرا اعترض على موضوع التأهيل في المنصورة.. طارق قاله طيب خلاص هروح إسبانيا أو ألمانيا لمدة أسبوع ودي كانت حاجة غريبة، سلمناه جواز السفر بتاعه".

وواصل: "طارق عرض ورقتين على إنستجرام بس معرضش الورقة اللي مكتوب فيها إنها لمدة أسبوع، واحنا داخلين على 50 يوم وهنحقق معاه" .

واختتم: "طلبنا منه معلومات عن التأهيل هناك، قالنا حاضر هبعتلكم التقرير حاضر هبعتلكم سي دي .. طيب هات رقم السنتر قالنا حاضر ومفيش أي حاجة، مفيش أي معلومات بناخدها منه من ساعة سفره بره مصر".